Tika Ihwatika

#Duriat Reuntas di Jalan (9) Ku: Tika Ihwatika POV : Isti Kurang leuwih 7 jam di perjalanan, alhamdulillah  tepi ogé kuring ka Jakarta. Sakumaha rencana, kuring dijemput ku Téh Tia ka pool primajasa. Alhamdulillah karasa pisan kanyaah Téh Tia téh geus asa ka lanceuk pituin, keur mah kuring teu boga lanceuk awéwé nyakitu deui Téh Tia teu boga dulur awéwé, lanceuk jeung adina lalaki wungkul, matak pantes mun hubungan kuring jeung Téh Tia kacida raketna. Anjog ka imah Téh Tia, kuring dibagéakeun ku wa Ilis istrina wa Yaya nu nyampak keur ngais budak Teh Tia. Jigana sabot Téh Tia indit ngajemput kuring, budakna dititipkeun heula ka wa Ilis. Song kuring ngasongkeun leungeun terus cipika cipiki ngaleupaskeun kasono, laju sararéa arasup ka imah. Gék kuring diuk dina korsi ngareureuhkeun kacapé. Wa Ilis nu keur ngéyong-ngéyong budak Téh Tia naroskeun kaayaan mamah jeung bapa ogé dulur-dulur nu aya di lembur. Sakumaha ilaharna nu kadatangan ku urang lembur, wa Ilis bélémbém sagala d...

#Duriat Reuntas di Jalan (8) Ku: Tika Ihwatika POV : Isti Maksudna ogé ukur rék ningalian wungkul asup ka toko baju téh, mun aya wé nu cocok arék dicirian heula, mun teu aya mah nya balik deui. Ku lantaran teu manggih nu cocok nya kuring kaluar deui ti toko baju. Rét kana jam tangan, rada ngagebeg geuning geus méh tabuh dua, kuring ngingetan kang Ujang sangkan wagiru indit sok bisi telat datang ka yayasan tempat gawéna. Sakaluarna ti toko, kang Ujang amitan bari ngasongkeun leungeun ngajak sasalaman. Ku kuring ditampanan bari nyebut nuhun. Geus sasalaman mah kang Ujang ninggalkeun kuring muru mobil nu diparkir di hareupeun toko. Ari kuring tuluy pesen gojek ngarah sakalian dianteurkeun nepi ka hareupeun imah. Tepi ka imah, kuring langsung asup ka kamar.  Golédag ngedeng, kop kana hp. Nyampak aya sababaraha pesan WA nu asup. Salah sahijina WA ti kang Ujang. Manéhna ngirimkeun lirik lagu nu dihaleuangkeun ku salah sahiji grup band ibu kota. "Kau jaga slalu hatimu, saat ja...

POV: Isti Indit ka lembur téh ngahaja nyubuh ngarah teu kapegat macét jeung ngarah bisa rada lila di lemburna, moal saélétéd teuing. Di satengahing perjalanan kuring nga WA ka mamah ngabéjaan yén kuring jeung kang Ujang keur di jalan rék ka lembur. Maklum lamun teu dibéjaan heula bisi teu aya lalawuh keur nyuguhan sémah. Alhamdulillah perjalanan lancar, tug nepi ka imah téh kira-kira jam 8 isuk-isuk. Anjog ka imah kuring uluk salam, sup asup dituturkeun ku kang Ujang. Sanggeus dimanggakeun, gék kang Ujang diuk dina korsi di ruang tamu. Kuring nyolonyong ka tengah imah rék néang mamah sapadah teu aya ngawalon. Suwung di tengah imah, kuring kebat ka dapur. Enya wé kasampak mamah keur ngeprek masak di dapur, tayohna mah ngahaja nyiapkeun keur nyuguhan sémah calon minantu idaman. Mamah katingal reuwas mireungeuh kuring datang téh, teu nyangkaeun rék datang isuk kénéh. Kuring geuwat ngarawu panangana terus dicium. Mamah nanyakeun kang Ujang ku untap tanpa sora. Kuring méré k...

POV: Isti Lain téga, lain deleka mun pada akhirna kuring nyokot kaputusan sorangan ngabolaykeun rencana jatukrami nu ngan kari sababaraha poé deui dilakonan. Kaputusan nu kacida beuratna, meunang sababaraha kali mikir, dibulak balik dibeuweung diutahkeun. Rumasa mawa karep sorangan teu mawa badami heula kanu jadi kolot terutama ka mamah, indung kuring nu geus kacida nyaahna ka kang Ujang calon pisalakieun kuring. Ceuk pikir lamun kuring nyarita atawa mawa badami heula ka indung pasti kana moal disaluyuan, kulantaran geus tamplok kanyaahna ka kang Ujang. Di mata mamah mah kang Ujang téh lalaki anu sampurna nu bakal cocok mun jadi salaki kuring. Opat taun wawanohan jeung kang Ujang, karasa pisan kanyaahna. Bageur, pinter jeung gedé pisan perhatianana ka kuring. Ceuk cohagna sagala hal naon waé nu dipikahayang ku kuring pasti ditedunan. Geus puguh ngajajap-jajap ka kampus atawa ka tempat nu kuring aya perlu mah jigana téh ontime wé. Kang Ujang téh tipe jalma nu ngeunah diajak...

"Ujang..Ujang...tos solat asar can?" "Ujang.. Ujang.."kakuping sora ema bari ngetrokan panto kamar ngaguyahkeun kuring nu kasaréan. Panon rapet hésé dibukana. "Ujang.. Ujang..," ema ngetrokan deui panto kamar rada tarik. Bray beunta, tuluy gigisik sangkan panon teu rapet teuing. "Kulan ma.., teu acan ma," témbal kuring bari kuniang hudang laju muka panto kamar. "Meni tibra naker saré téh, dihudangkeun ti tadi teu ngawaro waé," ema satengah kukulutus. "Enya puguh meni nepi ka mulan malén ngimpi sagala, tara-tara ti sasari," ceuk kuring bari ngarawél anduk muru ka wc. "Tong lila ka caina Jang, urang ka imah ajengan Komar téa bisi keseleun nungguan," Deg deui waé kuring reuwas nguping ema ngajakan ka bumi ajengan Komar téh. Teu diwaro ieuh bus kuring abus ka wc, gejebur mandi ditungtungan ku wudhu. Bérés ti cai sup ka kamar, rap kana baju koko anu ngagantung urut solat lohor, cong sol...

Geus kadua poé kuring aya di lembur téh, asa betah tumaninah. Tiis ceuli hérang panon jauh tina karaméan, beresih tina polusi. Cai cur cor matak pikabetaheun. Nu utamana mah kuring bisa ngabangbrangkeun kapeurih ati ku alatan Isti. Kira wanci haneut moyan, tamba kesel kuring mantuan bapa meresihan jukut di sisi balong tukangeun imah. Lumayan ngoprot késang kawantu tempatna rada negrak kasebrot matapoé. Da di Bandung mah geus tara aya kasempetan pikeun moyan lantaran riweuh ku pagawéan kantor. Keur jongjon mantuan bapa, torojol Ceu Titi dituturkeun ku Ceu Idah lanceuk kuring nu kadua bari ngais incuna. Maranéhna leumpang nyampeurkeun kuring nu keur jongjon nyabutan jukut. "Leuh meni layeut ceu, deuk ka marana?" Kuring miheulaan nanya bari semu héran. "Haar apan ku ema dititah karumpul cenah rék ngabadamikeun masalah Ujang, ari kitu Ujang teu dibéjaan nyah?" témbal Ceu Titi meni perténtang. "Oh kutan téh," ceuk kuring bari tuluy kukumba...